Saida Mirziyoyeva AQSH savdo vaziri o‘rinbosar bilan uchrashdi
Uchrashuvdi Amerika–O‘zbekiston ishbilarmonlik kengashi faoliyatini rivojlantirish masalalari ko‘rib chiqildi.
Saida Mirziyoyeva AQSH Savdo vaziri o‘rinbosari Devid Fogel bilan uchrashuv o‘tkazdi.
Uchrashuv davomida O‘zbekiston va Amerika Qo‘shma Shtatlari o‘rtasidagi hamkorlik, xususan savdo, investitsiyalar hamda sheriklikning yangi yo‘nalishlarini rivojlantirish masalalari yuzasidan fikr almashildi.
Ta’kidlanishicha, hozirgi vaqtda Amerika biznes doiralari O‘zbekistondagi investitsiyaviy va infratuzilmaviy loyihalarga tobora ortib borayotgan qiziqish bildirmoqda. Ushbu e’tibor yaqin istiqbolda aniq kelishuvlar, yangi ish o‘rinlari yaratilishi hamda mamlakat iqtisodiyoti uchun keng imkoniyatlar ochilishiga xizmat qilishi qayd etildi.
Suhbat chog‘ida ikki mamlakat tadbirkorlari o‘rtasida o‘zaro manfaatli muloqotni yo‘lga qo‘yish va amaliy hamkorlikni kengaytirishda muhim platforma bo‘lib kelayotgan Amerika–O‘zbekiston ishbilarmonlik va investitsiya kengashi faoliyati ham alohida ko‘rib chiqildi.
