AQSH Yaqin Sharqning qo'riqchisi bo'lishi mumkin — Tramp
AQSH prezidenti Eron yadroviy dasturi bo‘yicha muzokaralar muvaffaqiyatsiz bo‘lsa AQSh harbiy harakatlarni qayta boshlashi mumkinligini aytdi.
Donald Tramp Eronning yadroviy dasturi bo‘yicha muzokaralar muvaffaqiyatsiz yakunlansa, AQSh ikki xil ssenariyni ko‘rib chiqishi mumkinligini ma’lum qildi. bu haqda AQSh prezidenti The New York Times nashriga bergan intervyusida ma'lum qildi.
Trampning aytishicha, agar Vashington va Tehron o‘rtasida yakuniy kelishuvga erishilmasa, AQSh Eron hududiga nisbatan harbiy harakatlarni qayta boshlashi mumkin. Shuningdek, ikkinchi variant sifatida AQSh “Yaqin Sharqning qo‘riqchisi” rolini o‘z zimmasiga olib, mintaqa daromadlarining 20 foizi evaziga faoliyat yuritishi ehtimoli tilga olingan.
Ma’lumotlarga ko‘ra, AQSh va Eron o‘rtasidagi muzokaralarning navbatdagi bosqichi juma kuni Shveytsariyada boshlanishi kutilmoqda. Muzokaralarda asosiy masala — Eronning yadroviy dasturi bo‘lib qolmoqda.
Eslatib o'tamiz, avvalroq Pokiston Bosh vaziri Shahboz Sharif AQSh va Eron harbiy harakatlarni to‘xtatishni nazarda tutuvchi tinchlik kelishuvi bo‘yicha kelishuvga erishganini ma'lum qilgan edi.
