O‘zbekistonda suveren islom obligatsiyalari – sukuk dasturi amalga oshiriladi
Xalqaro kliring kompaniyalari faoliyati uchun ham keng imkoniyatlar yaratiladi.
Prezident Shavkat Mirziyoyev Toshkent xalqaro investitsiya forumida O‘zbekistonda investitsiya oqimini diversifikatsiya qilish maqsadida suveren islom obligatsiyalari — sukuk dasturini amalga oshirish boshlanishini ma’lum qildi.
Davlat rahbarining ta’kidlashicha, mamlakatda xalqaro kliring kompaniyalari faoliyati uchun ham keng imkoniyatlar yaratiladi. Ushbu chora-tadbirlar mahalliy korxonalarga kelgusida kamida 10 milliard dollar qo‘shimcha kapital jalb etishga xizmat qilishi kutilmoqda.
Prezident, shuningdek, xususiylashtirish dasturi doirasida joriy yilda 6 milliard dollarlik ko‘chmas mulk obyektlari, korxonalardagi davlat ulushi hamda yer uchastkalari auksionga chiqarilishini bildirdi.
Shavkat Mirziyoyev mahalliy va xorijiy investorlarni yaratilayotgan yangi imkoniyatlardan faol foydalanishga chaqirdi.
