Saida Mirziyoyeva Rossiya Hukumati raisi bilan uchrashuv o‘tkazdi
Uchrashuvda ikki mamlakat o‘rtasidagi savdo-iqtisodiy hamkorlikning bugungi holati va yangi qo‘shma loyihalar istiqbollari muhokama qilindi.
Toshkent xalqaro investitsiya forumi doirasida Prezident administratsiyasi rahbari Saida Mirziyoyeva Rossiya Federatsiyasi Hukumati raisi Mixail Mishustin bilan uchrashuv o‘tkazdi.
Uchrashuv chog‘ida tomonlar O‘zbekiston va Rossiya o‘rtasidagi savdo-iqtisodiy hamkorlikning bugungi holati hamda uni yanada rivojlantirish istiqbollarini muhokama qildi.
Saida Mirziyoyevaning ta’kidlashicha, ikki mamlakat o‘rtasidagi munosabatlar izchil rivojlanib bormoqda. Hozirda biznes, infratuzilma va madaniyat sohalarida qator qo‘shma loyihalar amalga oshirilmoqda.
Shuningdek, yaqin kunlarda Hukumatlararo komissiya hamda Hududlar kengashining navbatdagi yig‘ilishlari o‘tkazilishi rejalashtirilgan.
Tomonlar ushbu tadbirlar O‘zbekiston-Rossiya sherikligini yanada mustahkamlashga xizmat qilishiga ishonch bildirdi.
