Eron va Qo'shma Shtatlar 19-iyun kuni Shveytsariyada muzokaralar o'tkazadi
Muzokaralarda vositachilik qiluvchi Pokiston, Qatar hamda boshqa manfaatdor davlatlar delegatsiyalari ham ishtirok etadi.
Shveytsariya Tashqi ishlar vazirligi juma kuni AQSh va Eron vakillari o‘rtasida dastlabki muzokaralar Byurgenstok shahrida bo‘lib o‘tishi rejalashtirilganini tasdiqladi. Bu haqda Reuters xabar bermoqda.
Ma’lumotlarga ko‘ra, uchrashuvda avval erishilgan kelishuvlarni amaliyotga joriy etish masalalari muhokama qilinadi. Muzokaralar “kelishuvni amalga oshirish bo‘yicha dastlabki maslahatlashuvlar” formatida o‘tkazilishi kutilmoqda.
Uchrashuvda AQSh va Eron vakillari bilan bir qatorda, jarayonda vositachilik qiluvchi Pokiston, Qatar hamda boshqa manfaatdor davlatlar delegatsiyalari ham ishtirok etadi.
Shveytsariya TIV ma’lumotida qayd etilishicha, muzokaralar tomonlar o‘rtasidagi kelishuvlarni amalga oshirishga qaratilgan amaliy qadamlarni muvofiqlashtirish uchun xizmat qiladi.
Avvalroq AQSh prezidenti Donald Tramp Eron bilan o‘zaro anglashuv memorandumi imzolanganini ma’lum qilgan edi. Eron tomoni ham ushbu kelishuvni tasdiqlagan.
Hozirda Byurgenstokdagi muzokaralar Vashington va Tehron o‘rtasidagi keskinlikni yumshatish hamda barqaror muloqot jarayonini shakllantirishga qaratilgan.
Eslatib o'tamiz, avvalroq AQSh va Eron dastlabki tinchlik shartnomasini imzolagani to'g'risida xabar berilgan edi.
