Isroilda Ebola bo‘yicha gumon qilingan bemor aniqlandi
Bemor izolyatsiyaga olindi, laboratoriya tekshiruvlari davom etmoqda.
Isroilda Ebola virusiga chalinish bo‘yicha birinchi gumon qilingan holat qayd etildi. Mamlakat Sog‘liqni saqlash vazirligi matbuot xizmatiga tayanib Ria novostining ma'lum qilishicha, bemor hozirda izolyatsiya sharoitida davolanmoqda.
Vazirlik bildirganidek, tashxis hali tasdiqlanmagan bo‘lib, laboratoriya tekshiruvlari olib borilmoqda. Yakuniy natijalar 48 soat ichida e’lon qilinishi kutilmoqda.
Shuningdek, mutaxassislar bemor bilan aloqada bo‘lgan shaxslarni aniqlash maqsadida epidemiologik tekshiruv ishlarini boshlagan. Rasmiylarga ko‘ra, hozirgi bosqichda bu faqat gumon hisoblanadi va Isroilda Ebola virusining tasdiqlangan holati mavjud emas.
