Saida Mirziyoyeva Qozog‘iston prezidenti bilan uchrashdi
Saida Mirziyoyeva uchrashuv davomida O‘zbekiston Prezidentining samimiy salomi va ezgu tilaklarini Qozog‘iston rahbariga yetkazdi.
O‘zbekiston Prezidenti administratsiyasi rahbari Saida Mirziyoyeva Qozog‘iston Prezidenti Qasim-Jomart Toqayev bilan uchrashdi.
Saida Mirziyoyeva uchrashuv davomida O‘zbekiston Prezidenti Shavkat Mirziyoyevning samimiy salomi va ezgu tilaklarini Qozog‘iston rahbariga yetkazganini ma’lum qildi.
Uning ta’kidlashicha, Qozog‘iston O‘zbekiston uchun nafaqat qo‘shni davlat, balki yaqin do‘st, ishonchli strategik hamkor va ittifoqchi hisoblanadi.
Saida Mirziyoyeva Qasim-Jomart Toqayevga iliq qabul uchun minnatdorlik bildirib, ikki mamlakat o‘rtasidagi qardoshlik va strategik sheriklik munosabatlarini yanada mustahkamlashga qaratilgan sa’y-harakatlarni yuqori baholadi.
