Andijondagi 1980-yillarda qurilgan magistral suv tarmog‘i yangilanadi
Saida Mirziyoyeva Andijondagi muammolar va suv ta’minoti masalasini muhokama qildi
Andijon viloyatida viloyat rahbariyati va tuman hokimlari ishtirokida ishchi yig‘ilish o‘tkazildi. Bu haqda Saida Mirziyoyeva ma’lum qildi.
Qayd etilishicha, yig‘ilishda hududlardagi dolzarb muammolarni hal etishda respublika, viloyat, tuman va mahalla darajasida hamjihatlikda ish olib borish zarurligi ta’kidlangan. Shuningdek, qarorlarni tezkor qabul qilish, ularning ijro muddatlari va mas’ullarini aniq belgilash masalalariga e’tibor qaratilgan.
Muhokama qilingan asosiy masalalardan biri 1980-yillarda qurilgan magistral suv tarmog‘ini yangilash bo‘ldi. Mazkur inshoot ko‘plab xonadonlar, mahallalar va tashkilotlarning ichimlik suvi ta’minotida muhim o‘rin tutishi qayd etilib, uni rekonstruksiya qilish ishlarini ortga surib bo‘lmasligi ta’kidlandi.
