Robaxon Mahmudova raisligida Oliy sud Plenumi majlisi bo‘lib o‘tdi

Oliy sud Plenumining navbatdagi majlisida fuqaroni muomala layoqati cheklangan yoki muomalaga layoqatsiz deb topish, da’voni ta’minlash choralarini qo‘llash hamda ayrim plenum qarorlariga o‘zgartirish va qo‘shimchalar kiritishga oid uchta qaror qabul qilindi.

 

Oliy sud Plenumining navbatdagi majlisi bo‘lib o‘tdi. Yig‘ilishda quyidagi qarorlar qabul qilindi:

 

• “Sudlar tomonidan fuqaroni muomala layoqati cheklangan yoki muomalaga layoqatsiz deb topish bilan bog‘liq ishlarni ko‘rib chiqish amaliyoti to‘g‘risida”;
• “Fuqarolik, ma’muriy va iqtisodiy sudlar tomonidan da’voni ta’minlash (dastlabki himoya) choralarini ko‘rishning ayrim masalalari to‘g‘risida”;
• “O‘zbekiston Respublikasi Oliy sudi Plenumi va O‘zbekiston Respublikasi Oliy xo‘jalik sudi Plenumining ayrim qarorlariga o‘zgartirish va qo‘shimchalar kiritish to‘g‘risida”.

 

Oliy sud raisi Robiya Mahmudova raisligida o‘tgan majlisda Oliy Majlis Senati a’zolari va Qonunchilik palatasi deputatlari, Oliy sud hamda quyi sudlar sudyalari, Bosh prokuror, Konstitutsiyaviy sud, Sudyalar oliy kengashi, Oila va xotin-qizlar qo‘mitasi, Sudyalar assotsiatsiyasi va Advokatlar palatasi rahbarlari, shuningdek, Oliy Majlisning Inson huquqlari bo‘yicha vakili (Ombudsman), Bola huquqlari bo‘yicha vakil, manfaatdor vazirlik va idoralar, huquqni muhofaza qiluvchi organlar vakillari, huquqshunos olimlar hamda OAV vakillari ishtirok etdi.

 

Ma’lum qilinishicha, Plenum qarorlari matnlari O‘zbekiston Respublikasi Qonunchilik ma’lumotlari milliy bazasi, “O‘zbekiston Respublikasi Oliy sudi axborotnomasi” hamda “Kuch – adolatda” gazetasida e’lon qilinadi.