Tbilisi teleminorasi O‘zbekiston bayrog‘i ranglariga burkandi
Shavkat Mirziyoyev va Irakliy Kobaxidze Tbilisi teleminorasi fonida suratga tushdi.
O‘zbekiston Prezidenti Shavkat Mirziyoyevning Gruziyaga amalga oshirayotgan davlat tashrifi munosabati bilan Tbilisi teleminorasi O‘zbekiston Davlat bayrog‘i ranglarida yoritildi. Bu haqda UzA xabar berdi.
Mazkur ramziy tashabbus Gruziya tomonidan O‘zbekiston xalqiga bildirilgan yuksak hurmat va ikki mamlakat o‘rtasidagi do‘stlik hamda strategik sheriklik munosabatlarining ifodasi bo‘ldi.
Shuningdek, Prezident Shavkat Mirziyoyev va Gruziya Bosh vaziri Irakliy Kobaxidze Tbilisi teleminorasi fonida birgalikda suratga tushdilar.
