Tramp yordam berolmadi — Belgiya AQSHni yirik hisobda mag‘lub etdi
JCH-2026 chorak finalida Belgiya va Ispaniya o‘zaro kuch sinashadi.
AQSH, Kanada va Meksikada davom etayotgan 2026-yilgi FIFA Jahon chempionatining 1/8 final bosqichida Belgiya terma jamoasi mezbonlardan biri bo‘lgan AQSHni 4:1 hisobida mag‘lub etdi.
Uchrashuv qahramoni belgiyalik hujumkor yarim himoyachi Charlz De Ketelaere bo‘lib, u ikkita gol muallifiga aylandi. Yana ikki golni Hans Vanaken hamda zaxiradan maydonga tushgan Romelu Lukaku kiritdi. AQSH safidagi yagona gol esa Malik Tillman tomonidan jarima zarbasidan urildi.
Mazkur g‘alaba evaziga Belgiya chorak final yo‘llanmasini qo‘lga kiritdi va endi Ispaniya terma jamoasiga qarshi maydonga tushadi. Ispaniya 1/8 finalda Portugaliyani mag‘lub etib, keyingi bosqichga yo‘l olgandi. Chorak final uchrashuvi 10-iyul kuni bo‘lib o‘tadi.
AQSH uchun esa ushbu mag‘lubiyat o‘z maydonida o‘tayotgan Jahon chempionatidagi ishtirokning yakunlanishini anglatdi.
Uchrashuv oldidan amerikalik hujumchi Folarin Balogun bilan bog‘liq vaziyat ham muhokamalarga sabab bo‘ldi. U avvalgi o‘yinda qizil kartochka olgani bois Belgiyaga qarshi bahsni o‘tkazib yuborishi kutilayotgan edi. Biroq FIFA uning diskvalifikatsiyasini bekor qildi va futbolchi uchrashuvni to‘liq o‘tkazdi. Bu qaror AQSH prezidenti Donald Trampning FIFA rahbariyati bilan muloqoti ortidan qabul qilingan.
