"Qamchiq" dovonida xavfli toshlar majburiy ko‘chirildi
Ushbu tadbir tabiiy ofatlarning oldini olish va avtomobil yo‘lida harakat xavfsizligini ta’minlash maqsadida o‘tkazildi.
18-iyul kuni soat 16:00 dan 16:03 gacha A-373 "Toshkent–Ohangaron–Angren–Qo‘qon–Shahrixon–Andijon" avtomobil yo‘lining 142,8-kilometrida tog‘ning yuqori qismidagi nomustahkam toshlarni sun’iy ravishda tushirish ishlari olib borildi. Bu haqda Favqulodda vaziyatlar vazirligi ma’lum qildi.
Qayd etilishicha, tegishli tashkilotlar tomonidan amalga oshirilgan ushbu tadbir tabiiy ofatlarning oldini olish va avtomobil yo‘lida harakat xavfsizligini ta’minlash maqsadida o‘tkazilgan.
Shuningdek, Favqulodda vaziyatlar vazirligi ayrim elektron nashrlar va blogerlardan mazkur jarayon yuzasidan ma’lumotlarni noto‘g‘ri talqin qilmaslik, rasmiy axborotlardan oqilona va xolis foydalanishni so‘radi.
