Isroil AQSh yordamisiz omon qololmaydi — Tramp
Amerika prezidenti, avvalo, Eron atrofidagi vaziyatni nazarda tutganini ta'kidladi.
AQSh prezidenti Donald Tramp Isroilning xavfsizligi Amerika Qo‘shma Shtatlari yordami bilan chambarchas bog‘liq ekanini ta’kidladi.
Vashingtondan Michigan shtatiga yo‘l olgan samolyotda jurnalistlar bilan muloqot qilgan Tramp:
“Bilasizmi, bizsiz kim omon qolmaydi? Isroil,” — dedi.
Uning so‘zlariga ko‘ra, bu fikr, avvalo, Eron atrofidagi vaziyat bilan bog‘liq.
“Agar men bu masalani hal qilmaganimda, yaqinda yadroviy qurolga aylanishi mumkin bo‘lgan obyektlarni yo‘q qilmaganimda, Isroil bir necha oy oldin yo‘q bo‘lib ketgan bo‘lardi. Yillar oldin esa Obamaning dahshatli yadroviy kelishuviga chek qo‘ymaganimda ham shunday bo‘lardi,” — dedi AQSh prezidenti.
Tramp shu orqali Pentagon tomonidan 2025-yil iyun oyida Isfahon, Natanz va Fordodagi Eron yadroviy obyektlariga berilgan zarbalarni hamda AQShning 2018-yilda 2015-yilda imzolangan Qo‘shma keng qamrovli harakatlar rejasidan (JCPOA) chiqish qarorini nazarda tutganini bildirdi.
