Kapital bozori isloh qilinadi: Qonunchilik palatasi yangi qonun loyihasini ma’qulladi
Hujjat kapital bozorini xalqaro standartlar asosida rivojlantirish, yangi moliyaviy vositalarni joriy etish hamda investorlar huquqlarini kuchaytirishni nazarda tutadi.
Oliy Majlis Qonunchilik palatasining navbatdagi majlisida “Kapital bozori to‘g‘risida”gi qonun loyihasi birinchi o‘qishda qabul qilindi.
Qonun loyihasi nimani nazarda tutadi?
- Kapital bozorini xalqaro standartlar asosida rivojlantirish;
- Zamonaviy moliyaviy vositalarni joriy etish;
- Investorlar huquqlarini himoya qilish tizimini kuchaytirish;
- Bozorning ochiqligi va investisiyaviy jozibadorligini oshirish.
Yangi moliyaviy vositalar joriy etiladi:
- sukuk (islom obligatsiyalari);
- barqaror rivojlanish obligatsiyalari;
- qoplangan obligatsiyalar;
- sekyuritizatsiyalangan obligatsiyalar.
Shuningdek, qonun loyihasida:
- korporativ boshqaruv sifatini oshirish;
- kompaniyalar tomonidan axborotni oshkor qilish talablarini kuchaytirish;
- kapital bozori infratuzilmasini takomillashtirish nazarda tutilgan.
Natijada:
- moliyalashtirish imkoniyatlari kengayadi;
- zamonaviy investisiya vositalari paydo bo‘ladi;
- investorlar huquqlari yanada kuchli himoya qilinadi;
- bozor yanada ochiq va shaffof bo‘ladi;
- mamlakat iqtisodiyotiga mahalliy va xorijiy investisiyalarni jalb qilish imkoniyatlari ortadi.
