AQSh va Isroil razvedkasi Mujtabo Xomanaiyni qidirmoqda — The Times
Xomanaiy 150 kundan ortiq vaqt davomida elektron aloqa vositalaridan foydalanmagan va omma oldida ko‘rinmagan.
Britaniyaning The Times nashri xabariga ko‘ra, AQShning Markaziy razvedka boshqarmasi (CIA) hamda Isroilning Mossad razvedka xizmati Mujtabo Xomanaiyning qayerdaligini aniqlashga harakat qilmoqda.
Nashrning yozishicha, Xomanaiy uzoq vaqt davomida omma oldida ko‘rinmagan hamda 150 kundan ortiq vaqt mobaynida telefon va boshqa elektron aloqa vositalaridan foydalanmagan.
The Times manbalariga ko‘ra, u xavfsizlik nuqtayi nazaridan yaxshi qo‘riqlanadigan bunkerda bo‘lishi va tashqi dunyo bilan faqat vositachilar orqali aloqa qilayotgani taxmin qilinmoqda.
Mossadning sobiq yuqori martabali xodimi Rami Igraning ta'kidlashicha, Isroil razvedkasi Mujtabo Xomanaiyning joylashuvini aniqlash maqsadida Eron hududidagi agentura tarmog‘idan foydalanmoqda. Uning fikricha, elektron aloqa bo‘lmagan taqdirda ham rahbar bilan bog‘lanishda ishtirok etayotgan kuryerlar va vositachilar asosiy e'tibor markazida
Shu bilan birga, Tel-Avivdagi Milliy xavfsizlik tadqiqotlari instituti tahlilchisi Beni Sabti Mujtabo Xomanaiyning jamoatchilikdan yiroqda bo‘lishi Eron rahbariyatidagi ayrim guruhlarning ta'sirini kuchaytirayotgan bo‘lishi mumkinligini bildirgan.
