Baxtiyor Saidov AQSH Prezidentining maxsus vakili Serjio Gor bilan uchrashdi
O‘zbekiston va AQSH strategik sherikligini mustahkamlash masalalari muhokama qilindi
O‘zbekiston tashqi ishlar vaziri Baxtiyor Saidov Nyu-Dehlida AQSH Prezidentining Janubiy va Markaziy Osiyo bo‘yicha maxsus vakili, elchi Serjio Gor bilan uchrashuv o‘tkazdi.
Vazirning ma’lum qilishicha, tomonlar O‘zbekiston–AQSH strategik sheriklik munosabatlari barcha yo‘nalishlarda izchil rivojlanib borayotganini qayd etib, oliy va yuqori darajadagi muloqotlarni yanada faollashtirish hamda ikki tomonlama hamkorlikning ustuvor yo‘nalishlarini muhokama qilgan.
Shuningdek, uchrashuvda C5+1 formatidagi hamkorlik, bo‘lajak qo‘shma tadbirlarga tayyorgarlik, shuningdek, mintaqaviy va xalqaro kun tartibidagi dolzarb masalalar yuzasidan fikr almashilgan.
Uchrashuv yakunida tomonlar O‘zbekiston va AQSH o‘rtasidagi ochiq hamda ishonchli muloqotni davom ettirish, shuningdek, amaliy hamkorlikni yanada kengaytirishga kelishib oldi.
