Chet elda ishlayotgan oʻzbekistonliklar soni e’lon qilindi
Ularning asosiy qismi Rossiya va Yevropa mamlakatlarida mehnat qiladi.
O‘zbekiston Markaziy banki hisobotiga ko‘ra, ayni paytda dunyoning qariyb 40 ta mamlakatida 1,4 millionga yaqin O‘zbekiston fuqarosi mehnat qilmoqda.
Xorijda ishlayotgan o‘zbekistonliklarning eng katta qismi Rossiya hissasiga to‘g‘ri keladi. U yerda 834,2 ming nafar O‘zbekiston fuqarosi ishlamoqda.
Shuningdek:
Yevropa mamlakatlarida — 258 ming nafar;
Qozog‘istonda — 84,4 ming nafar;
Turkiyada — 72,1 ming nafar;
Janubiy Koreyada — 46,4 ming nafar;
boshqa mamlakatlarda — 97,7 ming nafar o‘zbekistonlik ishlamoqda.
Hisobotda xorijda ishlayotgan O‘zbekiston fuqarolarining geografik taqsimotida ham o‘zgarish kuzatilayotgani qayd etilgan.
Jumladan, MDH mamlakatlarining ulushi 29 foizga kamaygan, Yevropa mamlakatlari ulushi esa 42 foizga, Sharqiy Osiyo mamlakatlari ulushi 26 foizga oshgan.
Shuningdek, 2026-yil boshidan buyon 124,5 ming nafar o‘zbekistonlik xorijda yuqori maoshli ish o‘rinlariga joylashtirilgani ma’lum qilingan.
