15 yoshli qiz ichagidagi igna bilan uch hafta yashadi
Qiz ro‘molini mahkamlash uchun ishlatiladigan ignani tasodifan yutib yuborgan.
Chechenistonda 15 yoshli qiz ro‘molini mahkamlash uchun ishlatiladigan ignani tasodifan yutib yuborgan. U o‘tkir metall buyum bilan 20 kun davomida yashagan. Bu haqda “Sapa Kavkaz” xabar berdi.
Qayd etilishicha, qiz voqeadan so‘ng darhol shifoxonaga murojaat qilgan. Ikki kundan keyin o‘tkazilgan rentgen tekshiruvida igna ichakda ekanligi aniqlangan.
Shifokorlar dastlab uni endoskopik usulda olib tashlashni rejalashtirgan. Biroq igna yetarlicha chuqur joylashgani sababli uni bu usulda chiqarishning imkoni bo‘lmagan. Mutaxassislar bemorning holatini kuzatib borgan.
20 kun o‘tib, igna jarrohlik aralashuvisiz, tabiiy yo‘l bilan organizmdan chiqib ketgan. Shifokor-nefrolog Tamila Tsitsieva bu holatni juda kam uchraydigan va omadli yakunlangan holat sifatida baholagan.
Mutaxassislar ro‘mol o‘raydigan qizlarni ignalarni og‘iz yaqinida tutmaslikka chaqirgan. Ularning ta’kidlashicha, bitta ehtiyotsiz harakatning o‘zi o‘tkir ignani tasodifan yutib yuborishga olib kelishi mumkin. Bunday holat esa ichki a’zolarning shikastlanishi, jiddiy asoratlar va jarrohlik amaliyotiga ehtiyoj tug‘dirishi ehtimolini oshiradi.
