US Open: Kamilla Rahimova dunyoning 29-raketkasini mag‘lub etdi
Teng kurashlar ostida o‘tgan birinchi set 7:6 hisobida Rahimovaning g‘alabasi bilan yakunlandi.
Nyu-Yorkda tennis bo‘yicha yilning so‘nggi «Katta dubulg‘a» turniri — US Open start oldi.
Musobaqaning asosiy davrasida qatnashayotgan O‘zbekiston vakili Kamilla Rahimova birinchi bosqichda jahon reytingida 29-o‘rinda turgan chexiyalik Barbora Kreychikovani mag‘lub etdi.
Teng kurashlar ostida o‘tgan birinchi set 7:6 hisobida Rahimovaning g‘alabasi bilan yakunlandi. Rahimova ikkinchi setda tashabbusni to‘liq o‘z qo‘liga olib, 6:2 hisobida ustun keldi va uchrashuvni o‘z foydasiga hal qildi.
Bugun kechki dasturda yana bir tennischimiz Mariya Timofeyeva ham kortga chiqadi. U sloveniyalik Tamara Zidanshekka qarshi bahs olib boradi.
