O‘zbekistonda 1,4 mln tonna maishiy chiqindi olib chiqilib, utilizatsiya qilindi
“Dolzarb 40 kunlik” tozalik tadbirlari doirasida hududlardan kuniga 30–40 ming tonna chiqindi olib chiqildi.
O‘zbekistonda Mustaqillik bayramining 35 yilligi arafasida “Dolzarb 40 kunlik” tozalik tadbirlari o‘tkazilmoqda. Bu haqda Chiqindilarni boshqarish agentligi xabar berdi.
28-iyuldan 6-sentyabrgacha davom etayotgan tadbirlar vaqtida chiqindilarni olib chiqishga har kuni o‘rtacha 4,5 mingta maxsus texnika va 10 mingdan ortiq xodim jalb qilinmoqda. Hududlarda sanitariya tozaligi xizmatlarining tun-u kun navbatchiligi ham tashkil etilgan.
Ma’lumotlarga ko‘ra, kuniga 30–40 ming tonna qattiq maishiy chiqindi olib chiqilmoqda. 40 kunlik davrda 1,4 mln tonna qattiq maishiy hamda 2 ming tonna qurilish chiqindisi olib chiqilib, utilizatsiya qilingan.
Respublikadagi 8150 ta mahallaning 7674 tasi tozalik tadbirlari bilan to‘liq qamrab olingan.
Shuningdek, chiqindilarni belgilanmagan joylarga tashlash bilan bog‘liq 97 ta huquqbuzarlik aniqlangan. Ularga nisbatan jami 165,4 mln so‘m ma’muriy jarima qo‘llangan.
Fuqarolardan kelib tushgan 327 ta murojaatning 275 tasi joyida hal qilingan. Qolgan 52 ta murojaat bo‘yicha o‘rganish ishlari davom etmoqda.
Shu bilan birga, Agentlik huzuridagi Chiqindi poligonlarini boshqarish direksiyasi DM tomonidan ham “Dolzarb 40 kunlik” tozalik tadbirlari o‘tkazilib, respublika bo‘yicha chiqindi poligonlariga joylashtirildi.
