Rossiyaliklar O‘zbekistonga ommaviy ravishda chipta sotib olishni boshladi
O‘zbekiston kuzgi mavsumda rossiyalik sayyohlar orasida aviachipta xaridlari eng ko‘p oshgan xorijiy yo‘nalishga aylandi.
Rossiyalik sayyohlarning 2026-yil kuzida O‘zbekistonga bo‘lgan qiziqishi oshgan. Mamlakat kuzgi mavsumda aviachipta xaridlari o‘sishi bo‘yicha yetakchi bo‘lgan. Bu haqda Lenta.ru xabar berdi.
«Tutu» sayohat servisi ma’lumotlariga ko‘ra, kuzda O‘zbekistonga sotilgan aviachiptalar ulushi 5,2 foiz bandiga oshgan. Bu ko‘rsatkich bo‘yicha Turkiya ikkinchi o‘rinni egallagan. Keyingi o‘rinlardan Ozarbayjon, Armaniston va Gruziya joy olgan.
Ayni paytda Belarus va Qozog‘istonga aviachipta xaridlari ulushi kamaygan.
Mehmonxonalarni bron qilish bo‘yicha esa eng katta o‘sish Xitoyda qayd etilgan — 4,2 foiz band. O‘zbekiston 3,2 foiz bandlik o‘sish bilan ikkinchi o‘rinda qayd etilgan.
Shunga qaramay, mehmonxona bronlari soni bo‘yicha Belarus, Abxaziya va Turkiya 2025-yildagidek yetakchilik qilmoqda.
Avvalroq Rossiya fuqarolariga kuzda xorijda dam olish xarajatlari ma’lum qilingan edi. Unga ko‘ra, chet eldagi kuzgi ta’til bir kishi uchun kamida 100 ming rublga tushadi.
