Andijondagi “zapravka”da Spark portladi
Hodisa oqibatida yong‘in chiqmagan va tan jarohati olganlar yo‘q.
5-sentyabr kuni soat taxminan 11:15 da Andijon shahrining “Andijon” MFY hududida joylashgan avtomobillarga gaz to‘ldirish kompressor shoxobchasida hodisa sodir bo‘ldi. Bu haqda viloyat Favqulodda vaziyatlar boshqarmasin xabar berdi.
Dastlabki ma’lumotlarga ko‘ra, “Spark” rusumli avtomobilga gaz to‘ldirish vaqtida portlash yuz bergan.
Hodisa oqibatlarini tezkorlik bilan bartaraf etish maqsadida tegishli kuch va vositalar zudlik bilan voqea joyiga yetib borgan.
Portlash oqibatida yong‘in kelib chiqmagan. Shuningdek, hodisa natijasida tan jarohati olganlar qayd etilmagan.
