Serhat Qilich 51 yoshida vafot etdi

Turkiyalik taniqli aktyor Serhat Mustafo Qilich 51 yoshida vafot etdi. U 5-sentyabr kuni Istanbulning Kagithona tumanidagi uyida o‘lik holda topilgan.

 

Ma’lumotlarga ko‘ra, aktyordan qariyb ikki kun davomida xabar olinmagan. Shundan so‘ng uning 8-yildan beri birga yashab kelgan sevgilisi O‘zlem Esmergul uyiga borib, Qilichni mehmonxonadagi kresloda harakatsiz holda topgan. Voqea joyiga politsiya va tez tibbiy yordam xodimlari chaqirilgan.

 

Dastlabki tekshiruvda aktyor tanasida kesilgan, yaralangan yoki kaltaklanganlik izlari aniqlanmagan. Uning jasadi Advokatlik tibbiyot muassasasiga yuborilgan va ekspertiza o‘tkazilgan. O‘lim yuzasidan tergov davom etmoqda.

 

Qilichning yaqinlari uning sog‘lig‘i bilan bog‘liq muammolari bo‘lganini bildirgan. Biroq aktyorning o‘limiga aynan qanday sabab olib kelgani hozircha rasman e’lon qilinmagan.

 

7-sentyabr kuni aktyor bilan Istanbuldagi Muhsin Ertug‘rul sahnasida xayrlashuv marosimi bo‘lib o‘tdi. Tadbirda uning yaqinlari, do‘stlari va san’at olamining ko‘plab vakillari qatnashdi. Marosimda Serhat Qilichning sahnadagi faoliyati va ijodiy yo‘li yodga olindi.

 

Marosimda Shoray Uzun, Alina Boz, Umut Evirgen, Songyul O‘den, Melisa Dyongel, Ertan Saban, Aycha Bingo‘l, Ahmet Mumtaz Taylan, Hazar Ergo‘chlyu va Shevket Chorux kabi san’atkorlar ishtirok etgan.

 

Serhat Qilichning jasadi marosimdan so‘ng Anqaraga olib ketiladi. 8-sentyabr kuni Anqaradagi Ahmet Hamdi Aqseki masjidida janoza namozi o‘qilib, aktyor dafn etilishi rejalashtirilgan.

 

Serhat Mustafo Qilich 1975-yil 8-iyul kuni Anqarada tug‘ilgan. U «Ezel», «Sekcenler», «So‘z», «Qurulush Usmon» va «Tashkilot» kabi mashhur seriallardagi rollari bilan keng tanilgan.