77 ta chiqindi poligonida saralash xizmati bo‘yicha tanlov e’lon qilindi
Tanlov orqali chiqindilarni saralashni yo‘lga qo‘yish va qayta ishlashga yo‘naltiriladigan chiqindilar hajmini oshirish ko'zda tutilgan.
O‘zbekistonda 77 ta qattiq maishiy chiqindi poligonida chiqindilarni saralash xizmatini tashkil etish uchun tanlovlar e’lon qilindi.
Tanlovlar Chiqindilarni boshqarish agentligi huzuridagi Chiqindi poligonlarini boshqarish direksiyasi tomonidan davlat xaridlarining elektron platformasiga joylashtirilgan.
Lotlar hududlar kesimida quyidagicha taqsimlangan:
- Buxoro viloyati — 8 ta;
- Jizzax viloyati — 11 ta;
- Qashqadaryo viloyati — 4 ta;
- Qoraqalpog‘iston Respublikasi — 2 ta;
- Navoiy viloyati — 7 ta;
- Namangan viloyati — 6 ta;
- Samarqand viloyati — 2 ta;
- Surxondaryo viloyati — 6 ta;
- Sirdaryo viloyati — 2 ta;
- Farg‘ona viloyati — 6 ta;
- Xorazm viloyati — 9 ta;
- Andijon viloyati — 8 ta;
- Toshkent viloyati — 6 ta.
Tanlovlar orqali chiqindilarni saralashni yo‘lga qo‘yish, ikkilamchi xomashyodan samarali foydalanish hamda qayta ishlashga yo‘naltiriladigan chiqindilar hajmini oshirish ko‘zda tutilgan.
Ma’lumot o‘rnida, O‘zbekiston Prezidentining 2024-yil 4-yanvardagi 5-son hamda 2025-yil 24-martdagi 56-son farmonlarida chiqindilarni saralash va qayta ishlash jarayonlariga xorijiy hamda mahalliy investorlarni jalb etish, shuningdek, chiqindilarni saralash faoliyatini amalga oshiruvchi investorlarni belgilangan tartibda tanlab olish vazifalari belgilangan.
Agentlik huzuridagi Chiqindi poligonlarini boshqarish direksiyasi tomonidan hududiy boshqarmalarga chiqindi poligonlarida saralash ishlarini tashkil etish bo‘yicha tegishli chora-tadbirlar ham tasdiqlangan.
