Navoiydagi konda fojia: ikki ishchi halok bo‘lgan, jabrlanganlar ham bor
Hozircha NKMK voqea yuzasidan rasmiy munosabat bildirganicha yo‘q.
Navoiy kon-metallurgiya kombinatining “Qizilqum” kon boshqarmasi tarkibidagi Pistali konida baxtsiz hodisa yuz bergani aytilmoqda.
Kombinatdagi manbaga ko‘ra, hodisa 10 sentyabr kuni sodir bo‘lgan. Dastlabki maʼlumotlarga ko‘ra, kon hududida avtoag‘dargich shinasi portlab ketgan.
Hodisa oqibatida ikki nafar ishchi halok bo‘lgani, yana bir necha kishi turli darajada tan jarohatlari olgani aytilmoqda.
Hozircha Navoiy kon-metallurgiya kombinati mazkur holat yuzasidan rasmiy maʼlumot bergani yo‘q.
Eslatib o‘tamiz, avvalroq Muruntov konida yuk avtosamosvali xizmat avtomobilini bosib ketishi oqibatida ikki kishi halok bo‘lgani haqida xabar berilgan edi.
