Shotlandiya, Uels va Shimoliy Irlandiya mustaqillik bo‘yicha referendum o‘tkazmoqchi — The Telegraph
Hukumat rahbarlari Buyuk Britaniyadan mustaqillik masalasini muhokama qilish uchun Kardiffda yig‘iladi.
Shotlandiya, Uels va Shimoliy Irlandiya hukumati rahbarlari Buyuk Britaniyadan mustaqillik masalasini muhokama qilish uchun Kardiffda uchrashadi. Sammitda uch hududning mustaqillik bo‘yicha referendum o‘tkazish huquqi bo‘yicha qo‘shma deklaratsiya imzolanishi kutilmoqda.
The Telegraph yozishicha, tomonlar mustaqillik tarafdori kuchlarning hamkorligini kuchaytirish va kelgusidagi harakatlarni muhokama qiladi.
Uchrashuv Buyuk Britaniyada Shotlandiyaning mustaqilligi va Shimoliy Irlandiyaning Irlandiya Respublikasi bilan birlashishi haqidagi munozaralar kuchaygan bir paytga to‘g‘ri kelmoqda.
Shotlandiya birinchi vaziri Jon Svinni Buyuk Britaniyaning amaldagi siyosiy tuzumi barqaror emasligini aytdi. Uning fikricha, Vestminster mamlakat kelajagi bo‘yicha jiddiy o‘zgarishlarga tayyorlanishi kerak.
Sammit Buyuk Britaniya Bosh vaziri Endi Bernxemning Shotlandiyada yana bir mustaqillik referendumini o‘tkazish ehtimoli haqidagi bayonotidan bir necha kun o‘tib o‘tkazilmoqda. U referendumni qo‘llab-quvvatlash bo‘yicha “aniq konsensus” shakllansa, bunday ovoz berishga ruxsat berilishi mumkinligini bildirgan.
Bundan ikki kun avval AQSH prezidenti Donald Tramp ham Shimoliy Irlandiyaning Irlandiya Respublikasi bilan birlashishi haqida fikr bildirgan. U bunday birlashuvni “ajoyib narsa” deb atagan.
