Netanyaxu G‘azo haqidagi filmni tanqid qildi: uni antisemitik targ‘ibot deb atadi

Isroil bosh vaziri Benjamin Netanyaxu G‘azodagi urush va tinch aholi qurbonlari haqida hikoya qiluvchi “NAZA” hujjatli filmini yahudiylarga qarshi antisemitik targ‘ibotning bir qismi deb atadi.

 

Isroillik jurnalistlar Yuval Abraham va Rachel Szor suratga olgan film Venetsiya kinofestivalida Maxsus hakamlar hay’ati mukofotiga sazovor bo‘ldi. Unda G‘azodagi urushda qatnashgan razvedka xodimlari va harbiylarning anonim intervyulari keltirilgan.

 

Netanyahu filmda Isroil armiyasi urush jinoyatlarida ayblanayotganini tanqid qildi. Isroil harbiylari bosh qo‘mondoni Eyal Zamir ham filmni Isroil davlatiga qarshi hujum deb baholab, unda voqelik buzib ko‘rsatilgani va harbiylarga nisbatan yolg‘on ayblovlar ilgari surilganini aytdi.

 

Isroil harbiylari film va unga aloqador shaxslarga nisbatan huquqiy choralar ko‘rish imkoniyatlari o‘rganilayotganini ma’lum qildi.

 

Film rejissyori Yuval Abraham esa jinoyatlarni inkor etish ularning davom etishiga sabab bo‘lishini aytib, isroilliklarni filmni ko‘rishga chaqirdi.

 

G‘azo sog‘liqni saqlash idoralari ma’lumotlariga ko‘ra, Isroilning harbiy amaliyoti oqibatida 73 mingdan ortiq falastinlik halok bo‘lgan. Isroil esa harbiy amaliyotlar davomida tinch aholi orasidagi qurbonlar sonini kamaytirish uchun barcha choralarni ko‘rayotganini bildiradi.