Butunjahon tozalik kuni: O‘zbekistonda plogging aksiyasi o‘tkaziladi
Aksiya 19-sentyabr kuni barcha hududlarda bo‘lib o‘tadi.
19-sentyabr kuni soat 11:00 da O‘zbekistonning barcha hududlarida “Hayot uchun joy ajrating!” nomli ommaviy plogging eko-aksiyasi o‘tkaziladi.
Tadbir Chiqindilarni boshqarish va sirkulyar iqtisodiyotni rivojlantirish agentligi tomonidan “World Cleanup Day-2026” — Butunjahon tozalik kuni munosabati bilan tashkil etilmoqda.
Aksiya davomida jamoatchilik, OAV, davlat idoralari va xususiy tadbirkorlik subyektlarini birlashtirib, hududlarni chiqindilardan tozalash rejalashtirilgan.
Ekoaksiya respublikamiz bo‘ylab hududlarning quyidagi manzillarida o‘tkaziladi:
1. Qoraqalpogʻiston Respublikasi - Nukus shahri, Doʻstlik kanali boʻyi “Xalqlar doʻstligi” MFY;
2. Andijon viloyati - Andijon tumani, Bobur shahri, Yangi Andijon massivi;
3. Buxoro viloyati - Buxoro viloyati, Somoniylar bogʻi “Havzi Nav” MFY;
4. Jizzax viloyati - Sharof Rashidov tumani, "Gʻozgʻontepa" MFYdagi M-39 avtomagistral yoʻlining Jizzax-Dashtobod yoʻnalishining boshlanishi;
5. Qashqadaryo viloyati - Koʻk dala tumani, Qoʻngʻirot togʻ massivi;
6. Navoiy viloyati - Navoiy shahar, Alisher Navoiy istirohat bogʻi “Humo” MFY;
7. Namangan viloyati - Namangan shahar, Z.Bobur nomli madaniyat va istirohat bogʻi;
8. Samarqand viloyati - Samarqand shahar, Toshkent koʻchasi, “Afrosiyob” MFY;
9. Sirdaryo viloyati – Guliston shahar, “Bo‘ston” MFY;
10. Surxondaryo viloyati - Termiz shahar, “Amu -sohil”oromgohi, “Guliston” MFY;
11. Toshkent viloyati - Bo'stonliq tumani, "Chimgan" MFY;
12. Toshkent shahar - Yakkasaroy tumani, “Yunus Rajabiy” MFY Sharshara koʻchasi;
13. Fargʻona viloyati - Fargʻona shahar, Sakkokiy koʻchasi 3 uy “YANGIARIQ” MFY;
14. Xorazm viloyati - Urganch shahri, Pahlavon Mahmud koʻchasi “Navbahor” MFY.
