Kommunal xo‘jaligi xodimlari uchun: O‘zbekistonda yangi faxriy unvon ta’sis etildi
Uy-joy kommunal xo‘jaligi sohasini rivojlantirishga hissa qo‘shgan va aholiga xizmat ko‘rsatishni yaxshilashda alohida xizmat ko‘rsatgan xodimlar taqdirlanadi.
O‘zbekistonda uy-joy kommunal xo‘jaligi sohasida faoliyat yuritayotgan xodimlar uchun “O‘zbekiston Respublikasida xizmat ko‘rsatgan kommunal xo‘jaligi xodimi” faxriy unvoni ta’sis etildi.
Qonunga ko‘ra, faxriy unvon uy-joy kommunal xo‘jaligi sohasini rivojlantirishga munosib hissa qo‘shgan, yuqori kasbiy mahoratini namoyon etgan hamda aholiga xizmat ko‘rsatish sifatini yaxshilashda alohida xizmat ko‘rsatgan birlashmalar, tashkilotlar va muassasalar xodimlariga beriladi.
Qonun rasmiy e’lon qilingan kundan e’tiboran kuchga kiradi.
Kommunal xo‘jaligi sohasi xodimlarini alohida rag‘batlantiruvchi davlat mukofoti ta’sis etish ko‘zda tutilgan qonun loyihasi deputatlar tomonidan 1-iyul kuni qabul qilingandi.
