O‘zbekiston Prezidenti amaliy tashrif bilan Qozog‘istonga jo‘nab ketdi
Shavkat Mirziyoyev 5-6-noyabr kunlari Ostona shahrida bo‘ladi.
O‘zbekiston Respublikasi Prezidenti Shavkat Mirziyoyev 5-noyabr kuni amaliy tashrif bilan Ostona shahriga jo‘nab ketdi.
Tashrif dasturiga muvofiq, O‘zbekiston yetakchisi xavfsizlikka xavf solayotgan yangi texnologik xatar va tahdidlarga qarshi kurashish masalalari bo‘yicha Markaziy Osiyo davlatlari rahbarlarining Aqaba jarayoni doirasidagi uchrashuvida ishtirok etadi.
Ma’lumot o‘rnida, Aqaba jarayoni 2015-yilda Podshoh Abdulla II tomonidan ilgari surilgan xalqaro tashabbus bo‘lib, terrorizm va ekstremizmga qarshi kurashishda xalqaro hamkorlikni mustahkamlash hamda xavfsizlikni ta’minlash sohasida tajriba almashish va qo‘shma sa’y-harakatlarni muvofiqlashtirishga qaratilgan.
