12 ёшли қиз авиакомпанияни судга бериб, ютиб чиқди

Қозоғистонда 12 ёшли қиз “Air Astana” авиакомпаниясини судга бериб, ютиб чиқди. Суд авиакомпания томонидан ўсмирга товон пули ундириш бўйича ҳукм чиқарди. Бу ҳақида маҳаллий нашрлар хабар бермоқда.

 

Қайд этилишича, авиакомпания уралсклик 12 ёшли йўловчи Зере Галиевага қарши апелляция судида ютқазиб қўйди. Қизга бортга чиқиш талони берилмаган ва у Остона аэропортида ёлғиз қолдирилган.

 

Эслатиб ўтамиз, ҳолат 2024 йилнинг 20 июлида содир бўлган. Ўн икки ёшли эгизак қизлар Зере ва Зауре Галиевалар АҚШдан Остона орқали Уралскка қайтаётганда улардан бири бортга чиқарилмган.

 

“FlyArystan” 188 ўринли самолётни 180 ўринли самолётга алмаштирган.

 

Жой етишмаслиги сабабли Зере самолётга чиқа олмаган ягона йўловчи бўлган. Шундан сўнг бола Остона аэропортида қолдириб кетилган ва эртаси куни ёлғиз ўзи Уралскка учиб кета олган.

 

Бу бўйича шикоят Олмаота шаҳри Туксиб туман судида кўриб чиқилган. Унда “Air Astana” компанияси вакиллари йўловчининг онаси томонидан билдирилган эътирозларини тан олди, бироқ талаб қилинган товон пулини 5 миллион тенгедан 1,5 миллион тенгегача камайтиришни сўрашди. Лекин бу суд томонидан қаноатлантирилмади.

 

Заҳро Файзиева тайёрлади