Bu haqda Eron tashqi ishlar vazirining maxsus siyosiy masalalar bo‘yicha katta maslahatchisi Ali Asg‘ar Hoji maʼlum qildi.
Vazir uni o‘tkazish masalasi Nur-Sultondagi muzokaralar kun tartibida ekanligini va kafil davlatlarning yakuniy bayonotida alohida band sifatida aks ettirilishini taʼkidladi.
Bundan tashqari, u Suriya bo‘yicha Ostona formatidagi navbatdagi xalqaro uchrashuv Rossiya Federatsiyasi, Eron va Turkiya sammitidan bir necha hafta o‘tib chaqirilishini maʼlum qilgan.
Maʼlumot uchun: 2020-yilning 1-iyul kuni Rossiya, Eron va Turkiya prezidentlari Suriya masalasini hal qilish bo‘yicha virtual sammit o‘tkazdi va epidemik vaziyat imkon berganda Tehronda yuzma-yuz uchrashuv o‘tkazish istiqbollarini muhokama qilishgandi.
Shu bilan birga, noyabr oyida Qozog‘iston tashqi ishlar vaziri Muxtor Tleuberdi Suriyadagi mojaroni tinch yo‘l bilan hal qilish bo‘yicha muzokaralar doirasida kafil davlatlar — Rossiya, Turkiya va Eron Nur-Sultonda uchrashishi mumkinligini bildirgandi.
Tleuberdining qo‘shimcha qilishicha, Nur-Sulton bo‘lajak muzokaralar formati oflayn rejimda o‘tkazilishi mumkinligini ham ochiqlagan.
Eslatib o‘tamiz, avvalroq Amerikada koronavirusga qarshi kurash bo‘yicha global onlayn sammit bo‘lib o‘tishi hamda “G20” shu yilning oktyabr oyida Italiyada sammit o‘tkazishi haqida xabar berilgandi.
Cho‘lponoy Ahmedova