2022 йилнинг февраль-март ойларида Россия, Эрон ва Туркия пандемия масаласида саммит ўтказади
Саммит Теҳронда Остона форматида ўтказилади.
Бу ҳақда Эрон ташқи ишлар вазирининг махсус сиёсий масалалар бўйича катта маслаҳатчиси Али Асғар Ҳожи маълум қилди.
Вазир уни ўтказиш масаласи Нур-Султондаги музокаралар кун тартибида эканлигини ва кафил давлатларнинг якуний баёнотида алоҳида банд сифатида акс эттирилишини таъкидлади.
Бундан ташқари, у Сурия бўйича Остона форматидаги навбатдаги халқаро учрашув Россия Федерацияси, Эрон ва Туркия саммитидан бир неча ҳафта ўтиб чақирилишини маълум қилган.
Маълумот учун: 2020 йилнинг 1 июль куни Россия, Эрон ва Туркия президентлари Сурия масаласини ҳал қилиш бўйича виртуал саммит ўтказди ва эпидемик вазият имкон берганда Теҳронда юзма-юз учрашув ўтказиш истиқболларини муҳокама қилишганди.
Шу билан бирга, ноябрь ойида Қозоғистон ташқи ишлар вазири Мухтор Тлеуберди Суриядаги можарони тинч йўл билан ҳал қилиш бўйича музокаралар доирасида кафил давлатлар — Россия, Туркия ва Эрон Нур-Султонда учрашиши мумкинлигини билдирганди.
Тлеубердининг қўшимча қилишича, Нур-Султон бўлажак музокаралар формати офлайн режимда ўтказилиши мумкинлигини ҳам очиқлаган.
Эслатиб ўтамиз, аввалроқ Америкада коронавирусга қарши кураш бўйича глобал онлайн саммит бўлиб ўтиши ҳамда "G20" шу йилнинг октябрь ойида Италияда саммит ўтказиши ҳақида хабар берилганди.
Чўлпоной Аҳмедова
