Александр Усик Илон Маскга совға берди
Украиналик боксчи Александр Усик Энтони Жошуа билан жангда ғалаба қозонганидан сўнг таниқли америкалик тадбиркор Илон Маскга ўзининг NFT-tokeni ва жанг олдидан кийиб чиқадиган JAXET костюмини совға қилди.
Бундан ташқари, Усик ўзини жангда қўллаб-қувватлаб турган барчага миннатдорлик билдирди. У Илон Маскни ниҳоятда ҳурмат қилиши, шу боис, севимли шахсий нарсаларини унга совға қилганидан жуда ҳам хурсандлигини айтди.
Лондоннинг “Тоттенхем” стадионида эришилган ғалабадан сўнг Александр Усик супер оғир вазн тоифасида WBА, WBО, IBF ва IBО чемпионлик камарларини қўлга киритди. Таҳлилларга кўра, ушбу жангда Усик 148 бор аниқ зарба берган бўлса, Энтонининг кўрсаткичи эса 123 тани ташкил этган.
Эслатиб ўтамиз, аввалроқ 65 мингдан ортиқ томошабин йиғилган жангда Александр Усик Энтони Жошуани мағлуб этгани ва Энтони Жошуа Александр Усикнинг услубига мослашиб олгани ҳақида хабар берилганди.
Жамшидбек Амиров
