Madridning “Real” klubi bosh murabbiyi Karlo Anchelotti jamoaning 38 yoshli hujumkor yarim himoyachi Luka Modrich agar mavsum oxirida futbolchilik faoliyatini yakunlashga qaror qilsa, uni o‘zining murabbiylar shtabiga ishga taklif qildi.
Manbaga ko‘ra, xorvatiyalik yarim himoyachi Anchelottining taklifini ijobiy qabul qilgan, biroq hali futbolchilik faoliyatini davom ettirishi uchun yetarlicha kuchi bor ekanligina ishonmoqda.
Qayd etilishicha, Modrichga ayni damda AQSH va Saudiya Arabistoni klublari qiziqish bildirmoqda. Futbolchining o‘zi ham Amerika klublaridan birida o‘ynashni afzal ko‘rmoqda.
Eslatib o‘tamiz, avvalroq OAVda Modrich "Real"dagi o‘yin vaqtidan noroziligi va Madrid klubini tark etish variantlarini ko‘rib chiqayotgani haqida ma’lumot paydo bo‘lgan edi.