Англияда малакасиз жарроҳ 91 нафар беморга зарар етказди
Унинг қандай жазога тортилиши ҳозирча номаълум.
Англияда малакали жарроҳ бўлмаган шифокор Миан Мунавар Шоҳ 91 нафар беморга нотўғри тиббий муолажа қўллаб, уларнинг соғлиғига жиддий зарар етказган.
Жабрланганлардан бири, 51 ёшли Анжела Гловернинг сўзларига кўра, 2018 йилда Уолсоллдаги давлат шифохонасида ишлаган Шоҳ унинг елкасига нотўғри ташхис қўйиб, жарроҳлик амалиёти ўтказган. Кейинчалик беморнинг елкасида жарроҳлик талаб этадиган жароҳат йўқлиги аниқланган. Ҳозирда Гловер доимий оғриқлардан азият чекади ва оддий ҳаётий фаолият билан шуғуллана олмайди.
Текширув натижаларига кўра, Шоҳ тиббий амалиёт учун етарли малакага эга бўлмаган ҳолда мураккаб жарроҳлик операцияларини ўтказган. Касалхона раҳбари эса беморлар ва уларнинг оилаларидан кечирим сўраган. Аммо Шоҳ қандай жазога тортилиши ва жабрланганлар моддий компенсация олган-олмагани ҳозирча номаълум.
