Англияда товуқ тухуми кимошди савдосида сотилди
Тушган маблағ хайрия жамғармасига йўналтирилади.
Девон фермасида топилган ва “миллиардда битта” деб номланган ноодатий мукаммал думалоқ тухум аукционда 542 долларга сотилди.
Ким ошди савдосидан тушган маблағ жинсий зўравонлик қурбонларига ёрдам кўрсатувчи хайрия жамғармасига йўналтирилади.
Фентон фермаси ишчиси Алисон Грин ўз фаолияти давомида 42 миллиондан ортиқ тухум етиштирганини, аммо бундай ҳолатга ҳеч қачон дуч келмаганини таъкидлади.
Кимошди савдоси олдидан Грин тухум уч ойлик сақлашдан кейин бузилиб кетишидан хавотирда эди. Унинг бутунлигини сақлаб қолиш учун эса эски усулдан фойдаланган: тухумни чўчқа ёғи ва туз билан қоплаб, ҳимоя қилган.
