АҚШ махсус вакили шу ҳафта Москвага келади
Ҳозирча музокаралар мақсади номаълум.
АҚШ президентининг махсус вакили Стив Виткофф шу ҳафта Москвага ташриф буюриши кутилмоқда. У Россияга 13 март, пайшанба куни етиб келади.
Шунингдек, АҚШ Миллий хавфсизлик маслаҳатчиси Майк Уолз ҳам Россиядаги ҳамкасби билан телефон орқали мулоқот қилгани маълум бўлди.
Ҳозирча музокаралар мақсади ва мавзуси ҳақида расмий маълумот берилмаган. Аммо экспертлар бу сафар икки давлат ўртасидаги хавфсизлик, санкциялар ва геосиёсий муносабатлар бўйича муҳокамалар ўтказилиши мумкинлигини тахмин қилмоқда.
Яқин кунларда музокаралар натижалари ҳақида расмий баёнот берилиши кутилмоқда.
