АҚШ молия вазирлиги Россия Федерал хавфсизлик хизматига санкция эълон қилди
Шунингдек, Эрон разведкасининг 4 нафар юқори мансабдорига нисбатан ҳам санкция эълон қилинган.
АҚШ молия вазирлиги Эроннинг Ислом инқилоби қўриқчилари корпусининг разведка ташкилоти ҳамда Россиянинг федерал хавфсизлик хизматини санкциялар рўйхатига қўшди. Бу ҳақда вазирликнинг ўзи эълон қилди.
Иккала ташкилот ҳам махсус ишлаб чиқилган миллий санкциялар рўйхати (SDN List)га киритилган.
Санкция "чет элдаги Америка фуқароларини ноқонуний қўлга олишда қатнашганлик учун" берилган.
Бундан ташқари, Эрон разведкасининг 4 нафар юқори мансабдорга нисбатан санкция эълон қилинган.
