АҚШ Россия нефтига бож солиш билан таҳдид қилди
Трамп Россия нефтини сотиб олганлар АҚШда бизнес қила олмаслигини таъкидлади.
Доналд Трамп НБС журналисти Кристен Уэлкер билан суҳбатда Россия Президенти Владимир Путиннинг Владимир Зеленскийни танқид қилганига кескин муносабат билдирди.
"Агар Россия билан Украинадаги урушни тўхтатиш бўйича келишувга эриша олмасак ва мен бунга Москвани айбдор деб билсам, Россия нефтига қўшимча бож жорий қиламан", – деди АҚШ президенти.
Трампнинг сўзларига кўра, ушбу қарор Россия нефтига 25 фоиз бож қўлланишига олиб келиши мумкин. У шундай қўшимча қилди: "Бу шуни англатадики, агар сиз Россия нефтини сотиб олсангиз, АҚШда бизнес юритолмайсиз."
Шунингдек, Трамп яқин кунларда Владимир Путин билан учрашув режалаштираётганини ҳам маълум қилди.
