Атом электр станциялари ҳеч қачон ҳарбий нишонга айланмаслиги керак — МАГАТЭ раҳбари
Рафаэл Гросси Курск ва Запорожье атом электр станцияларида содир бўлаётган воқеаларни солиштириш имконсизлигини таъкидлади.
Унинг сўзларига кўра, Запорожье АЭСидаги вазиятни "жуда қалтис" деб таърифлаш мумкин, чунки у ҳар қандай вақтда, жумладан, дрон зарбалари туфайли ҳам бузилиши мумкин.
"Aтом электр станциялари ҳеч қачон, ҳеч қандай шароитда ва қайси мамлакат ёки ҳудудда жойлашганидан қатъий назар, ҳужумга учрамаслиги ёки ҳарбий нишонга айланмаслиги керак. Бу ҳамма учун амал қиладиган умумий тамойил", — дея фикр Гросси билдирди Украина президенти Владимир Зеленский билан Киевда бўлиб ўтган музокаралар якунлари бўйича ўтказилган матбуот анжуманида.
Бундан ташқари, МАГАТЭ агентлик экспертлари гуруҳи тез орада Украинанинг шикастланган баъзи подстанцияларига — ядро хавфсизлигини таъминлаш учун зарур бўлган энергия тақсимлаш пунктларига боришини маълум қилди. Мутахассислар ушбу объектлардаги вазиятни баҳолайдилар ва мумкин бўлган кейинги ҳаракатлар тўғрисида штабга ҳисобот беришади.
