0
Баҳодир Жалолов янги промоутерлик компанияси билан шартнома имзолади
Боксчи Dibella Entertainmentда ҳам фаолиятини давом эттиради.
Профессионал бокснинг оғир вазн тоифасида (+90,7 кг) ҳаракат қилиб келаётган Баҳодир Жалолов Probellum компанияси билан қўшма ҳамкорлик бўйича промоутерлик шартномасини имзолади.
Жалолов Dibella Entertainment билан бир қаторда Пробеллум компанияси билан ҳам ишлайди. Ҳамюртимиз Probellum доирасидаги илк жангини 18-март куни полшалик Камил Соколовски (11-24-2, 4 КО) га қарши ўтказади.
Маълумот учун: Жалолов проф боксда жами 9 та жанг ўтказиб, уларнинг барчасида рақибларини нокаутга учратган.
“Биг Узбек” сўнгги жангини декабр ойида колумбиялик Хулио Сезар Калименога қарши ўтказиб, биринчи раунддаёқ нокаут орқали ғалаба қозонган эди.
