Og‘ir vazn toifasidagi o‘zbekistonlik bokschi Bahodir Jalolovning navbatdagi raqibi maʼlum bo‘ldi. Bu haqda “Probellum” o‘zining Instagram sahifasi orqali maʼlum qildi.
Jalolov o‘zining professional yo‘nalishdagi navbatdagi jangini 18-mart kuni Dubayda o‘tkazadi. “Probellum” kompaniyasi tomonidan tashkil etiladigan boks oqshomida unga polshalik Kamil Sokolovski raqiblik qiladi.
Avvalroq, xalqaro boks kuni nishonlanishi iyuldan avgust oyiga ko‘chirilgani va Murodjon Ahmadaliyev yana himoya jangini o‘tkazishi haqida xabar berilgandi.
Jamshidbek Amirov