Байрам кунида метрода яна носозлик юз берди
Ҳолатга расмийлар муносабат билдирди.
Ижтимоий тармоқларда Чилонзор метро бекатида ҳаракат таркиби тўхтаб қолгани айтилган хабарлар тарқалди.
Расмий хабарга кўра, бугун, 8 март куни соат 16:48 да Чилонзор бекатидан ҳаракатланиши лозим бўлган 23-сонли ҳаракат таркибининг компрессорида ҳаво билан таъминланишида қисқа узилишлар бўлганлиги сабабли, белгиланган йўриқномага асосан, машинист томонидан йўловчилар ва ҳаракат хавфсизлигини таъминлаш мақсадида, йўловчилар бекатга туширилган. Шундан сўнг ортдан келаётган 22-сонли ҳаракат таркиби орқали тиркамага олинган ҳолда текширув йўлаги томон юборилган.
Ҳозирги вақтда йўналишдаги поездлар белгиланган жадвал бўйича ҳаракатланмоқда.
