"Биз Исроилни ҳимоя қиламиз" — Байден
АҚШ президенти Яқин Шарқдаги урушнинг олдини олиш мумкинлигини айтди.
"Мен тўлиқ уруш бўлишига ишонмайман. Ўйлайманки, биз бундан қочишимиз мумкин. Аммо ҳали қилинадиган ишлар кўп", — деди АҚШ президенти интервью чоғида журналистларга.
Исроил расмийлари Теҳроннинг баллистик ракета ҳужумларига жавоб бериш вариантларини кўриб чиқишда давом этмоқда.
Аввалроқ Байден G7 етакчилари билан маслаҳатлашганини ва улар Исроилнинг "жавоб қайтаришга ҳақли эканини, бироқ у мутаносиб равишда жавоб бериши керак" деган фикрга келишганини айтганди.
"Америка қўшинларини Исроилга жўнатадими?", деган саволга Байден:
"Биз аллақачон Исроилга ёрдам берганмиз ва уни ҳимоя қиламиз”.
