Ijtimoiy tarmoqlarda Jasjan taxallusi ostida ijod qiluvchi bloger Jasur Shodiyev o‘ziga begona qiz bilan ko‘chada janjallashgani aks etgan video tarqalib, ko‘plab muhokamalarga sabab bo‘lgandi. Holat yuzasidan Toshkent shahar IIBB rasmiy munosabat bildirdi.
Qayd etilishicha, u 13 yanvar kuni Shayxontohur tumanida joylashgan bog‘larning birida 2005 yilda tug‘ilgan S.S. bilan jamoat joyida janjal chiqargan. O‘tkazilgan tekshiruv jarayonida ushbu holat bloger va uning tanishi tomonidan o‘zaro sahnalashtirilganligi va ijtimoiy tarmoqqa joylashtirish uchun videoga olinganligi aniqlangan.
Mazkur holat yuzasidan Shayxontohur tumani IIO FMB tomonidan Maʼmuriy javobgarlik to‘g‘risdagi kodeksning 183-moddasi (“Mayda bezorilik”) bilan maʼmuriy bayonnoma rasmiylashtirilib, to‘plangan hujjatlar qonuniy chora ko‘rishlik uchun Jinoyat ishlari bo‘yicha Shayxontohur tuman sudiga yuborilgan.