Боку ва Ереван тинчлик музокаралари ўтказишга тайёргарликни бошлайди
Илҳом Алиев ва Никол Пашинян айрим келишувларга эришди.
Брюсселда Озарбайжон президенти Илҳом Алиев, Арманистон бош вазири Никол Пашинян ва Европа Кенгаши раиси Шарл Мишель ўртасида уч томонлама музокара бўлиб ўтди. Бу ҳақда "ТАСС" хабар берди.
Озарбайжон ва Арманистон раҳбарлари айрим келишувларга эришган. Хусусан, улар ташқи ишлар вазирларига тинчлик музокараларини ўтказишни тайёрлашга топшириқ берган.
Бундан ташқари, апрель охирига қадар озарбайжон-арман чегарасини делимитация қилиш мақсадида икки томонлама комиссия тузишга келишилган.
Томонлар Қорабоғдаги вазиятни ҳам муҳокама қилган.
Аввалроқ Парижда икки давлат ташқи ишлар вазирлари учрашуви бўлиб ўтгани тўғрисида хабар берилганди.
