Avvalroq Shavkat Mirziyoyev farmoni bilan Komil Allamjonov Prezident Administratsiyasi rahbarining o‘rinbosari lavozimiga tayinlangani xabar berilgandi. Shundan so‘ng Allamjonovning o‘zi holat bo‘yicha jamoatchilikka bayonot e’lon qildi.
“Juda mas’uliyatli vazifaga tayinlandim. Bugundan boshlab Mass-mediani qo‘llab-quvvatlash jamoat fondi Vasiylik kengashi raisi lavozimidagi faoliyatimni yakunlayman.
Va shuni ta’kidlab o‘tmoqchimanki, men bugundan boshlab barcha biznes loyihalarim, kompaniyalarimni ham boshqa egalariga topshiraman. Bugundan boshlab men biznesmen emasman. Chunki men manfaatlar to‘qnashuviga mutlaqo qarshiman va qolganlarga ham shuni maslahat beraman”, — deydi u.
Ta’kidlanishicha, Mass-media fondiga tez kunlarda yangi rais tayinlanadi.