Чемпионатни мағлубиятсиз ўтказган жамоа
Клуб мавсумнинг барча учрашувида ғалаба қозонган.
"Байер" Бундеслигада бу йилги мавсумда бирорта ҳам мағлубиятга учамаган ҳолда ажойиб сенсация ўрнатди. Жамоа 28 ўйинда ғалабага эришди ва атиги олти марта дуранг қайд этди. Масалан, "Арсенал" 2003/2004 йилги мавсумда 26 ғалаба ва 12 дурангга эришган. "Ювентус" ҳам 2011/2012 йилги мавсумда 23 ғалаба ва 15 та дуранг натижа билан чемпионатни якунлаган.
"Байер" тарихда биринчи бўлиб Германия чемпионатини мағлубиятсиз ўтказди, деган хабарлар тарқалмоқда. Ҳақиққатдан ҳам шундайми? Бу чемпионат Бундеслига деб номлангандан бери илк кўрсаткич десак тўғри бўлади. Сабаби, Германия олий дивизиони 1963 йилдан бери шундай номланади. Бироқ, ундан олдин ҳам Германия чемпионати бор эди. Ўшанда "Дрезднер" жамоаси чемпионатдаги 23 ўйинда 23 ғалабани қўлга киритади, яъни мавсум давомида умуман мағлуб бўлишмайди.
Аслида, 1933 йилдан бошлаб немис футболи нацистлар партияси қўлига ўтади. Шу пайтгача Мюнхеннинг "Бавария" клуби яҳудийларга бошпана билан ёрдам беради. Клуб президенти ҳам айнан яҳудий Курт Ландауэр эди. 1933 йил март ойида у ўз лавозимини ва охир-оқибат мамлакатни тарк этишга мажбур бўлади. Шундан сўнг, 300 дан ортиқ яҳудий футболчи спортдан кетади, баъзилари концлагерларга тушиб қолишади, бошқалари сирли тарзда ғойиб бўлишади. Адолф Гитлер эса футболни ёқтирмасди, лекин у спортнинг кучи одамларга тез таъсир қилишини англаб етади. 1938 йилда Германия ва Англия ўртасида ўртоқлик ўйини бўлиб ўтади, ўшанда иккала жамоа ҳам қўлларини кўтариб саломлашган. Дастлаб меҳмонлар саломлашишдан бош тортишади, бироқ Англиянинг Германиядаги элчиси Невилл Хендерсон ва Англия футбол федерацияси котиби Стенли Роуз ўйинчиларни бу мамлакат режимини қўллаб-қувватлаш эмаслигига ишонтиришади. Ўша ўйиндан сўнг инглиз нашри "Тhe Times" бу имо-ишора фақат майдондаги рақибларга ҳурмат кўрсатганини таъкидлайди. Германиянинг "Bachter" эса нашри инглиз футболчиларининг қўлларини чўзган суратини биринчи саҳифага жойлаштиради.
Бу ўша пайтда Германияда футбол қанчалик муҳимлигини кўрсатувчи бир мисол. 1939 йилда Иккинчи жаҳон уруши бошланади ва биринчи рақамли ўйиннинг роли янада ошади. Мисол учун, Гитлернинг туғилган кунида Германия терма жамоасининг швейтсарияликлардан мағлубияти кечирилмас деб қабул қилинади. Бу воқеа Германия терма жамоасининг ғалаба қозониши даргумон ўйинлардаги иштирокини шубҳа остига қўяди. Руминия билан ўйин олдидан эса немис футболчиларига мағлубиятга учраган тақдирда Шарқий фронтга боришлари айтилади. Бироқ, Германия терма жамоаси 4:1 ҳисобида ғалаба қозонади.
Иккинчи жаҳон уруши йилларида футболнинг жамият ҳаётидаги муҳим ўрни туфайли миллий чемпионат давом эттирилади. 1941 йил охирига келиб фашистлар Германияси ва унинг иттифоқчилари Европанинг катта қисмини босиб олишади. Ва 1942 йилда эса улар тўлиқ ғалаба қозонишларига ишонишади. Бундай вазиятда Германиянинг "Дрезднер" жамоаси миллий чемпионатни мағлубиятсиз ва дурангсиз ўтказди. 23 ўйин – 23 ғалаба.
