Дембелени “Нюкасл” клубининг таклифи қизиқтирмади
“Барселона” ярим ҳимоячиси Усмон Дембеле “Нюкасл” клубига ўтиш ниятида эмас.
“Diario Sport” нашри хабарига кўра, айни дамда франциялик футболчини “Нюкасл”нинг таклифи қизиқтирмаяпти. Инглиз клуби футболчи учун 15 миллион евро тўлашга тайёр эканлигини маълум қилган.
Ҳозирда Дембеле “Барселона” билан янги шартнома имзолаш бўйича музокара олиб бормоқда. Франциялик футболчининг “Барселона” билан амалдаги шартномаси 2022 йилнинг июнь ойида якунига етади.
Эслатиб ўтамиз, 24 ёшли ярим ҳимоячи ушбу мавсумда жароҳати сабаб каталонияликлар сафида биронта ўйинда иштирок этмади.
Аввалроқ “Нюкасл” яна бир юлдуз футболчини сафига қўшиб олмоқчилиги ва клуб бош мураббийи Стив Брюс истеъфога чиқарилгани ҳақида хабар берилганди.
Жамшидбек Амиров
