Доналд Трамп Байденни кузатиб қўйди
Шу тариқа у президентлик лавозимига киришди.
АҚШнинг сайланган президенти Дональд Трамп Вашингтондаги маросимда қасамёд қилиб, расман Қўшма Штатларнинг 47-президенти бўлди.
Маросим Вашингтоннинг Капитолий тепалигида бўлиб ўтди. Бунгача Жей Ди Венс АҚШ вице-президенти сифатида қасамёд қилганди.
Инаугурация маросимида АҚШнинг сайланган президенти Дональд Трамп, унинг оила аъзолари, Венснинг қариндошлари, шунингдек, истеъфога чиқаётган президент Жо Байден ва вице-президент Камала Харрис ўз турмуш ўртоқлари билан, собиқ президент Билл Клинтон рафиқаси Хиллари билан, собиқ президентлар кичик Жорж Буш ва Барак Обама, IT-корпорациялар раҳбарлари, АҚШ Олий суди аъзолари иштирок этди.
АҚШнинг собиқ президенти Жо Байден Доналд Трамп инаугурациясидан кейин Вашингтондаги Капитолий тепалигини ҳарбий вертолётда тарк этди. Янги президент истеъфога чиққан президентни бортга кузатиб қўйди.
